Sometimes we don't have to do such more things in our life just we have to focus what we are already having gifted by God.
Saturday 31 December 2016
Monday 12 December 2016
Yes still now you are with me...in my memories
Sochta huun aaj kuch fir likhun, Tere or Mere baare mai...
Tujhe jo paaya mene, teri teri mulaquaton mai...
Tanhaeyon mai bhi naa raha akela,
dooba raha saari raat buss teri hi yaadon mai...
Voo khoob bheegey un barsaaton mai, abhi bhi tuu mere saath hai meri har ek yaadon mai...
Sochtaa huun aaj kuch fir likhuun, tere or mere baare mai..
Huwaa jo saara kuch teri meri mulaquaton mai...
Abhi bhi buss ye hii sochta huun..
Dil se buss ye hi puuchta huun...
Kyuun tuu gayii mujhe chodh kai,
Yuun bewajah, Banke beparwah...
Mera pyaara saa Dil todh kai...
Sochta huun aaj kuch fir likhun tere or mere baare mai,
Huwa jo teri or meri mulaquaton mai...
Aankhein meri abhi bhi num hein,
Dil mai shaayad abhi bhi kuch gum hai,
Aansu nikaltey nahi, khaali aankhein abhi bhi roota huun,
Band aankhon kaa toh pata nahi,
kuch dino se toh shaayad esse hi soota huun...
Sochta huun aaj kuch fir likhun tere or mere baare mai..
Huwa jo teri or meri mulaquaton mai...
Taare jese toot kar gir jaate hein,
Sheeshey gir kar jese bikhar jaatey hein,
Patte pedh se nikal kar jese udh jaatey hein,
Buss ab vesi hi hai meri zindigi,
Buss ab tuu chaahiye sambhalney ko..
Shaayad koi toh tha apna saa,
Maraa saa jaataa tha jise pyaar karne ko,
Jiski har pal talaash thi,
Mujhe meri har ek mulaaquaton mai,
Sochta huun aaj kuch fir likhuun, tere or mere baare mai,
Huwa jo tere or bus teri meri mulaquaton mai...
Pyaar jo tujhe mene kiya,
Meri har ek mulaquaton mai...
Sochta huun aaj kuch fir likhun, tere or mere baare mai..
Huwa jo kuch bhi sab tere or meri mulaquaton mai...
Sochta huun aaj fir kuch likhuun...!!!
#sHuBh ☺
Saturday 26 November 2016
What if....
Pyaar mai bechaara kya karta
zidd karta yaa naa karta ...
Samajhta nahi tha vo
uspe marta yaa naa marta ...
Bechaara pyaar mai pada akela
vo besaharaa kya karta ...!!!
Chahtaa toh kuch bhi nahi tha vo
buss akela tha vo,
Shaayad ab fir kisi or ko
khoone se vo darta ..
Pyaar mai pada bechaara
karta bhi toh kya karta ...!!!
Zindigi se tha vo pareshan,
apne sapnon ke...
apne apnon ke...
Paas jaane ko vo khoob ladta...
Jhagartaa tha vo kayii baar vo bikhartaa
naa jaane bechaara, karta bhi toh kya karta ...
Kahani thi uski bahut choti sii
shauk bhi uske bahut chote se...
Jaane bheed mai ghum rehkar bhi vo
karta bhi toh kya karta...
Shaayad paheli thi uski kuch naasamajh sii
Jaane uss paheli ko samajhne ko vo
Karta bhi toh kya karta...
Buss akela tha vo
akeli sii uski zindigi...
uss apne ko paane ke liye
vo karta bhi toh kya karta ...
kya vo paagal, apni zidd paani ko
Ladtaa yaa naa ladtaa...
karta bhi toh kya karta...
Pyaar mai pada bechaara...
Karta bhi toh kya karta...!!!
-sHuBhmusic ☺
What i was, now I am not
Suukhey patton si hai zindigi, buss bikhartaa jaa raha huun mai..
Kaaton sii iss zameen par raah bana chala jaa raha huun mai...!!!
Berang sii hein ab saari khushiyaan jeeney kii
fir bhi jaane kis khushi ki talaash mai,
Chala jaa raha huun mai...
Sapnon ki kashtiyan dagmaga zaroor uthin hein
in tezz paani ki lehron main...
Fir bhi ek kinarey ki umeed mai, chala jaa raha huun mai...!!!
Akela padh saa gaya toh huwa kya
saath kisi ka shaayad zaroori toh nahi...
Khud ki hi parchayeeon ko, sambhaley jaa raha huun mai...!!!
Buss chala jaa raha huun mai...
khud hi khud se door huwaa jaa raha huun mai...
Muskuraana bhi zaroori hai duniya ke liye
yuunhi bewajah hastaa jaa raha huun mai...
Chala jaa raha huun mai...!!!
Chala jaa raha huun mai...!!!
-sHuBh ☺
Subscribe to:
Posts (Atom)